KHOBAR FRIENDS - هذا عالمنــا

بنت محاسن ارمكو · 08-28-2008, 04:42 PM

السلام عليكم
كل عام وانتو بخير
بعد انقطاع طويل ارجع لكم بحملة جديدة واحنا حاليا بالاحساء على صدد انا نطلقها طبعا ان شالله تكون ناجحة
اقتراحي لية ماتكون على الشرقية كلها عشان تكون تحت عنوان الشرقية خالية من التسول
وهذا اقتراحي احنا تعونا مع جمعية البر والبلدية وراح يكون هناك 1500 لوحة توعوية في جميع اركان الاحساء
وبالله التوفيق

A.Batarfi · 08-29-2008, 02:25 PM

يعطيك العافية خيتو

وان شاااء الله نناقش هالفكرة مع بلدية الخبر والجهات المناطة بهذة المهمة

وتكون الشرقية خالية من التسول

(:

alRaiQ · 08-29-2008, 03:10 PM

يعطيك العافية اختي بنت محاسن

وجزاكم الله خير ,

والفكره جدا رائعه وهادفه وتوعوية
بس اختي ما اعتقد ان الوقت يسعفنا خصوصا ان رمضان على الابواب

ولكن ان شاء الله نشووف خطوه من البلدية اتجاه هالمتسولين اللي يتضاعفون من لرمضان لرمضان ,

يوسف الهويمل · 08-29-2008, 08:58 PM

بنت المحاسن

ماشاء الله فكره رائعه جدآ

والاحلى لماتكون الحمله عمليه على الميدان

لكي يتعايش الواقع ومنها تستنتج دراسات ما هي اسباب التسول

دمتي بود

يوسف الهويمل

T A H I R · 08-30-2008, 02:13 AM

تسول .. تسول ... تسسسوول

المتسول اشوفه باكثر من اشارة تخيلو...

ما اعرف ايش نظامهم او ايش مصادرهم

اللي يرزقهم العيش والموية والمأوى يا رب

واتمنى البلدية تشوف لهم حل لهالموضوعـــ

Mezajee · 09-13-2008, 03:33 AM

والله ياخوان انا ضد الفكره صراحه

الواحد يبي يعطيهم بكيفه ,, والي مايبي لايعطي

وسبحانه وتعالى يقول ( واما السائل فلا تنهر )

بغض النظر هم نصابين ولا لا

الواحد يتصدق وجره عند ربه

I N F I N I T Y · 09-13-2008, 06:55 AM

والله انا رايي من راي مزاجي

يعني افترضي ان كل هالمتسولين نصابين .. لكن واحد منهم محتاج جد اي شي عشان يوكل عياله

ما ادري .. بس حرام نقطع رزقه

صحيح هو منظر غير حضاري .. لكن الشكوى لله

الله يغنينا ويغنيهم يا رب

يعطيك العافيه اختي .. وسامحيني على وجه نظري المعاكسه

R A S H A · 09-14-2008, 04:09 AM

طيب في فرق بين التسول وبين الاحتياج...يعني اذا في جمعيات مناسبه لهم...ليه يتسولوا؟؟!!

انا اشوف ان بعضهم محتاجين...بس هذا ما يمنع ان الكثير منهم نصاب....والبلا مو في كذا وبس...بعضم يستخدم الاطفال كمان...

يعني اذا في جهه منظمه تحتويهم...التسول مفروض ينتهي...

الرهيب · 09-14-2008, 04:50 AM

اقول المتسول هذا أغنى مننا كلنا ،، هاللي تظحكون عليه وتقولون عنه مسكين

بالمواسم يدخل ذهب زي رمضان والعيد وغير كذا هم منظمات ..

بالعكس اللي يبي الشغل الوظايف واجد ،، لكن مايبي يشتغل لأن التسول يطلع اكثر من الوظيفة ..

ياليت يشيلونهم ويحطونهم بـ شبك ويولعون فيهم ..

لأن أكثر أختطاف الأطفال سوري مو أكثر إلا كل أختطاف الأطفال يكون منهم ..

أحمد الغامدي · 09-14-2008, 06:48 AM

يعطيك العافيه على هالموضوع يااختي

والصراحه مثل ماقال اخوي الرهيب هذولي ناس صار عندهم فلوس

لانه مره صار موقف وانا كان وياي الوالد وكنا حاضرين هاللي صار

في احد اشارات الخبر المروريه حرمتين كبار في السن من هالمتسولين متهوشين تدرون ليه

لانها باعت الاشاره هذي لفلانه بـ 10000 ريال والله يااخواني انها بهذي القيمه ويشهد علي ربي

يعني تخيلو معي إلى وين وصلت فيهم انهم صارو بيعون الاشارات لانها فيها دخل مااحد يتخيله

ولو تحاول تمر من اشاره راح تلاقي قروب او عائله نقول عنها هم نفسهم مايتغيرون كل واحد له شفت خاصه فيه

والله المستعان .. وياليت هال1500 لوحة توعوية تكون الدبل ونحاول ننشرها بالخبر ويمكن نطلع بحل

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك	BB code is متاحة الابتسامات متاحة كود [IMG] متاحة كود HTML معطلة Trackbacks are معطلة Pingbacks are معطلة Refbacks are معطلة

KHOBAR FRIENDS - هذا عالمنــا

حملة التسول(مجتمع خالي من التسول)