KHOBAR FRIENDS - هذا عالمنــا

ฑ๑๑หy · 08-05-2008, 05:23 PM

:جوري،!
^

احس الايدز اممم لو تغيرين هذا المحور
يعني يكون عن التطوع وكيف انه لهـ أثر إيجابي في حيات الفرد ,،

بالعكس .. حلو ان يتكلمون عن شي عن مرض مثلا زي ما اقترحت ..
برضو يكون المشهد له فايدهـ في التوعيه عن مرض الايدز !
غير ان له فايدهـ ثانيه .. والي هي تتكلم برضوعن التطوع وعن شباب الخبر .,
يعني اكثر من هدف بالفكره !

وفكرتك برضو حلوهـ .,
وهي خآصهـ بالتطوع وبالفريق .,
وان شاء الله تتطبق ,’

أسرآر البحر
^
الشكر لك خيوو,
ع المرور .. و ع اعجابك بالفكرهـ

i n f i n i t y
^
بالتوفيق لكم .,
وان شاء الله يكون لكم اكثر من عمل.,

اذاً .. بما انكم ناوين ان شاء الله تبدون تشتغلون ع الفكره
ممكن تسوون موضوع ثاني للورشهـ .,
بحيث تجمعون افكاركم كلها .. والممثلين .,
و المشاكل والاشياء الي محتاجينها .,
وان شاء الله على مشكله الصوت اسأل واعطيكم خبر بأسرع وقت .,’

وواللهـ يووفقكم

شاكره لكم ع المرور.,
نونني

أمنيات · 08-05-2008, 08:57 PM

مساء الخير على المبدعين، ما شاء الله اللهم بارك وزيد يارب أمين.
جوري فكرتك أيضا حلوة ورائعة جداً، وكما قال الاخرون الفريق يحتاج لكثير من المشاهد والمواقف وأشعر أن المزيد قادم.

ฑ๑๑หy · 08-05-2008, 09:03 PM

وأشعر أن المزيد قادم.

بإذن اللهـ .,’
<-- ورينا ابداعاتك يـ انفينتي + مآهر بالمشآهد

اخوي بالبحرين بس يجي اسألهـ عن الصوت

Maher Ziyad · 08-06-2008, 02:34 AM

أنا أقترح إنو حالياً يكون الموضوع هذا ورشة عمل للأفكار

و أشوف إنو بعد حملات رمضان يعني مع بداية المدارس .. نسوي فريق متكامل للموضوع

و حالياً أشوف نوني و فهد إنفينتي و حبيب ألبي يزيد هما يمسكو ورشة عمل الأفكار

و على فكرة ترا كل حاجة عظيمة بدأت بفكرة

ฑ๑๑หy · 08-06-2008, 12:26 PM

اوكيهـ ..
اجل راح ابدأ بتعديل بعض المشاهد الي اقترحوا عليها التعديل ,’
يعني نرتب الأفكار على المشاهد ع اساس ماتضيع فكرهـ

أول اقتراح للتعديل كان من يزيد على المشهد الخآمس

المشهد ( 5 )
بالليل ,,
محمد وبدر يتابعون التلفزيون .. مقطع من فلم .. ثم يقطع عرض الفلم وتعرض أخبار عن الفريق التطوعي
[ يعرض على الشاشات مقطع من أي مقابله صارت مع احد اعضاء الفريق او الفريق بأكمله ]

التعديل : ممكن انهم وهم يشوفون التلفزيون..يعرض برنامج او اخبار من تمثيلنا حنا..يعني واحد مننا يلقى
خبر عن الفريق مثلا حمله معينه او عن الفريق بشكل عام..ويكون مشغل عن طريق ديفيدي

ثآني اقتراح للتعديل كان من فهد على نهآيه المشهد

يبدل ملابسه ويسرع للمستشفى للتحليل
واثناء التحليل يكتشف ان فيه مرض الايدز !
ينصدم ..

التعديل : في بس شغله وحده لازم تتعدل .. طبعا محمد راح يتبرع بدمه وهم يحتاجون 24 ساعه على الفحص
يعني ممكن نخليه يرجع البيت ويتصلون هم فيه ويبلغونه

وفي نفس اللحظه تجي الصوره على اخوه وهو رايح للفريق التطوعي ويكون الفريق التطوعي يتكلم عن اعرض الاصابه
يسمع اعراض الاصابه ويكون هناك مثل الفريق الطبي يعمل على تحليل الدم للتأكد من خلوهـ من أي مرض وبالتحديد مرض الايدز مجرد فحص عآبر لمن يود
يكون الفريق الطبي من ضمن حملتهم / طبعا بالمشهد / ويفاجئ ايضا ان تحليلهـ يبين انو مصاب بالايدز <-- لا تقولو لي انو التحليل والنتيجه ماتجي بنفس اليوم .. انتوا دبروها

التعديل : بالنسبه لبدر .. لو نقول انه ما يفحص من اساسه احسن .. وممكن بعد ما يتلقى خبر ان اخوه فيه ايدز يروح معاه للمستشفى ويحصل شباب الخبر بويز واللي يبدون يكلمونه عن المرض وعن اسباب انتقال الفايروس ويقول واحد من شباب الخبر بويز ان الفايروس ممكن ينتقل بسبب فرشاه اسنان
فهنا يبدأ ينصدم بدر وممكن ننهي المشهد مجرد ما يسمع بدر هذي المعلومه
فتصير نهايه مفتوحه للعمل d:
^
^
لـ انفينتي / وين راح يكون تجمع شباب التطوع ! ببدايه المشهد افترضنا ان بدر ومحمد مروا ع التجمع
يعني مستحيل يكونون داخل المستشفى !!
<-- او اذا تبغى بدايه المشهد يكونون طالعين من المستشفى لغرض معين أو مرض بسيط .. او اي شي !
فـ وين تقترح من الأساس يكون الفريق التطوعي متواجد ؟!

اوكيهـ .. كذا خلصنا من اضافه الأفكار .,
ايش المشاكل اليـ مالقيتوا لها حل غير الصوت .!؟

Y A Z · 08-06-2008, 11:24 PM

باااااااااااكوو مره ثانيه

الجوووري

بصراحه فووكره جهنميه...وبالنسبه لي مره اعجبت بهااا

ولي فيها تعديلات كثير وجتني افككارر..

لكن لا نشتت ذهننا شوي وخلوونا نركز ع فكره نوني الحين

وممكن في العمل الثاني اننا نستعين بفكره الجوري

بالنسبه للكاميرات...مثل ما قلت فهد ممكن نستعين بكاميرات ارامكو..

لكن لو ما ضبطت لنا...من وين نجيب...

ممكن نستعين بعد بقروب كرريتف سينما....الشباب اللي قجموا عمل حمامه حرب..

الصوت ما اتوقع انه مشكله كبيره لو نلاحظ..الجو رطووبه في الوقت هذا...وتتدبر ا ن شاء الله

لي باك مره ثانيه

يسلموو حبيب قلبي ماهر...

نووني انا اقصد كتاباتك بالفصحى طبعا..ما يحتاااج

Łą7ţђąт ฬḋẩ3 · 08-08-2008, 12:00 AM

بجـد روووعهـ الفكرهـ..
>> تو النـآآس هع
شدراني تو اشوف الموزوع هع هع

الموهيمـ ..
الفكـره يبغالها شغل كثير ..
بس شباب الخبر فريندز قدها وقدوود..!!

I N F I N I T Y · 08-08-2008, 04:25 AM

بااااكـ

لـ انفينتي / وين راح يكون تجمع شباب التطوع ! ببدايه المشهد افترضنا ان بدر ومحمد مروا ع التجمع
يعني مستحيل يكونون داخل المستشفى !!

طبعا احنا سوينا حمله التبرع بالدم وكانوا في شباب بالاستقبال .. ومنهم انا

قالولي خلك هناك واضحك كل ما شفت واحد

فممكن يكون محمد وبدر رايحين للمستشفى عشان يزورون واحد

وفي البوابات يحصلون هذاك اللي يتضحك بوجيهم

ويقولهم على الفريق التطوعي

ويصفطونه مثلا

وترجع القصه كما هي

I N F I N I T Y · 08-09-2008, 01:33 AM

بـــااكـ

قبل شوي كنت جالس على التلفزيون وشفت مسلسل خليجي بالغلط

ولاحظت ان في واحد جالس يكلم نفسه وهو يسوق سياره

يقول : الحين انا لازم ارجع البيت واقعد مع اهلي وبعدين بروح لمدري وين وجلس يشرح
طبعا هذا المشهد يدل على ضعف الكاتب لانه ما قدر يوصل الكلام اللي يبي يشرحه غير بهذي الطريقه

انه يخلي الممثل يجلس يسولف ويشرح للمشاهدين الكلام اللي ما يقدرون يقولونه

بس هذي طريقه غبيه مع احترامي لكاتب المسلسل

وانا جالس اذاكر قبل شوي طرت على بالي شغله <<<< دايما ما تطري على باله السوالف الا وهو يدرس او يصلي

المهم

شلون نوصل للناس ان بدر راح يفرش اسنانه بفرشاه اخوه بدون ما يجلس يتكلم ويقول : هذي فرشاه اخوي وانا راح افرش اسناني فيها لاني انا ولد شاطر

ممكن يكون اول مشهد انهم رايحين سوبر ماركت ويكون محمد هلالي متعصب فيشتري فرشاه اسنان زرقاء

بحيث اذا فرش بدر اسنانه بهذي الفرشاة تكون منطقيه للمشاهد واكيد المشاهد راح يفهم ان هذي الفرشاه مو فرشاته

هذي فرشاه اخوه محمد

ذات سيت فور تودي

ฑ๑๑หy · 08-09-2008, 01:46 AM

ليـ عودهـ ..

<-- خليجي وبالغلط

.,!

مبدع يـ فهد

فكرهـ حلوهـ اختصارا للوقت ..
و برضو عشان الواحد مايمل من الكلام ..
اذا في مشاهد تتوقع انها تحتاج لأفكار زي كذا .. ممكن نبدلها
ع اساس الوقت ., و ع اساس الناس ماتمل

مو قلت لك صآحب افكار [ ماشاء اللهـ تبآرك اللهـ ]..
يلا شد حيلك .. والله يوفقك بدراستك .. وبعدها تفرغ للمشهد

/ يعجبني حمآسك /
نونني

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك	BB code is متاحة الابتسامات متاحة كود [IMG] متاحة كود HTML معطلة Trackbacks are معطلة Pingbacks are معطلة Refbacks are معطلة

KHOBAR FRIENDS - هذا عالمنــا

فكرة .. مشهد تمثيلي !